Jimco, Maarso 23, 2012 Madaxweynihii hore ee Soomaaliya, Col. Cabdullahi Yuusuf Axmed ayaa ku geeriyooday Isbitaalka Sheekh Zaa’id ee magaalada Abu-Dubai ee dalka Imaaraadka Carabta aroornimadii hore ee saakay oo Jimco ah.

Col. Yuusuf oo 78-jir ahaa ayaa wuxuu soo noqday madaxweynaha Soomaaliya muddo afar sano ah, laga soo billaabo Oktoobar 2004 illaa Diseember 2008,

Madaxweynihii hore ayaa u geeriyooday xanuunno ka haleelay sambabada iyo kelyaha, waxaana sannadkii lasoo dhaafay dhowr jeer xanuun awgiis loo dhigay isbitaalka uu ku geeriyooday saakay aroortii hore. Ururka Midnimada ee Finland wuxuu tacsi u dirayaa dhammaan ummada soomaaliyeed meelkasta ay joogaanba.
Ilaahey waxaan uga baryaynaa in uu janada fardowsa ka waraabiyo dhammaan ummada soomaaliyeedna ka siiyo samir iyo iimaan.